ఆంధ్రభారతి - తాళ్లపాక అన్నమాచార్య కీర్తనలు - తన కర్మమెంత చేఁతయు నంతే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 34-6
సంపుటము: 1-213

తాళ్లపాక అన్నమాచార్య

రాగము: సాళంగం

తన కర్మమెంత చేఁతయు నంతే గొనకొన్న పని యంత కూలీ నంతే	॥తన॥
తలఁపులో హరి నెంత దలఁచె నేఁడే వాని కలిమియు సుఖమును గల దంతే తులఁదూఁచఁ బైఁడెంత తూఁకము నంతే నెలకొన్న పిండెంత నిప్పటీ నంతే	॥తన॥
సిరివరు పూజెంత సేసె నేఁడే వాని దరియును దాపు నెంతయు నంతే పురిగొన్న యీవెంత పొగడూ నంతే నరపతి చనవెంత నగవూ నంతే	॥తన॥
శ్రీవేంకటపతి చింత యంత ^[1] నేఁడే భావపరవశము పలుకూ నంతే దైవము కృప యంత తానూ నంతే యేవంక జయమెంత యిరవూ నంతే	॥తన॥

^[1] ‘యంతే’ రేకు.