ఆంధ్రభారతి - తాళ్లపాక అన్నమాచార్య కీర్తనలు - ఇందునందుఁ దిరుగుచు నెవ్వరివాఁడవు గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 35-2
సంపుటము: 1-215

తాళ్లపాక అన్నమాచార్య

రాగము: ఆహిరి

ఇందునందుఁ దిరుగుచు నెవ్వరివాఁడవు గాక బందెపసురమవైతి బాపు జీవుఁడా	॥ఇందు॥
తోలుబొక్కలోనఁ జొచ్చి తూలేటిఁ యాకలిచేత పాలుమాలి యిందరికి బంటుబంటవై యేలినవానిఁ గానక యేచిన యాసల వెంట కూలికిఁబో దొరకొంటి కూళజీవుఁడా	॥ఇందు॥
తీఁటమేనిలోనఁ జొచ్చి దిమ్మరిదొంగలచేత మూఁటగట్టించుక ^[1] నీవు మూలదొరవై గాఁటపువిభుని చేతిఘనత కోరికలకు వేఁటకుక్కవైతివి వెఱ్ఱిజీవుఁడా	॥ఇందు॥
చీమలింటిలోనఁ జొచ్చి చిక్కువడి అందరిలో దోమకరకుట్లకు తోడిదొంగవై యేమరి వేంకటవిభు నెఱఁగక జాడుఁజొప్ప నాము మేయ దొరకొంటి నాలిజీవుఁడా	॥ఇందు॥

^[1] నిడురేకు99- గడించుక.