ఆంధ్రభారతి - తాళ్లపాక అన్నమాచార్య కీర్తనలు - వెరపులు నొరపులు వృథా వృథా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 35-4
సంపుటము: 1-217

తాళ్లపాక అన్నమాచార్య

రాగము: ముఖారి

వెరపులు నొరపులు ^[1] ^[2]వృథా వృథా ధరపై మరి యంతయును వృథా	॥వెరపు॥
తడయక చేసిన దానంబులు వృథ యెడనెడ నెఱిఁగిన యెఱుక వృథా వొడలిలోని హరి నొనరఁగ మతిలోఁ దడవని జీవమె తనకు వృథా	॥వెరపు॥
జగమునఁ బడిసిన సంతానము వృథ తగిలి గడించిన ధనము వృథా జగదేకవిభుని సకలాత్ముని హరిఁ దెగి కొలువని బుద్ధియును వృథా	॥వెరపు॥
పనివడికూడిన పరిణామము వృథ వొనరఁగనుండిన వునికి వృథా ఘనుఁడగు తిరువేంకటగిరిహరిఁ గని మననేరని జన్మములు వృథా	॥వెరపు॥

^[1] నిడురేకు 16- మరపులు.

^[2] ‘వ్రిథా వ్రిథా’ అంతటా రేకు.