ఆంధ్రభారతి - తాళ్లపాక అన్నమాచార్య కీర్తనలు - ఏమి గలిగెను మా కిందువలన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 35-5
సంపుటము: 1-218

తాళ్లపాక అన్నమాచార్య

రాగము: ఆహిరి

ఏమి గలిగెను మా కిందువలన వేమారుఁ బొరలితిమి వెఱ్ఱిగొన్నట్లు	॥ఏమి॥
తటతటన నీటిమీఁదట నాలజాలంబు లిటునటుఁ జరించవా యీఁది యీఁది అటువలెనెపో తమకమంది సంసారంపు ఘటనకై తిరిగితిమి కడ గానలేక	॥ఏమి॥
దట్టముగఁ బారావతముల మిన్నుల మోవ కొట్టఁగొన కెక్కవా కూడి కూడి వట్టియాసలనే యిటువలెనేపో యిన్నాళ్ళు బట్టబయ లీఁదితిమి పనిలేని పాట	॥ఏమి॥
బెరసి కుమ్మరపురువు పేఁడలోపలనెల్ల పొరలదా పలుమారుఁ బోయిపోయి వరుస జన్మముల నటువలెనె(పో?) పొరలితిమి తిరువేంకటాచలాధిపుఁ దలఁచలేక	॥ఏమి॥