ఆంధ్రభారతి - తాళ్లపాక అన్నమాచార్య కీర్తనలు - సిరి దొలంకెడి పగలు చీకఁటా యితఁడేమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 37-2
సంపుటము: 1-228

తాళ్లపాక అన్నమాచార్య

రాగము: ముఖారి

సిరి దొలంకెడి పగలు చీకఁటా యితఁడేమి యిరవు దెలిసియుఁ దెలియనియ్యఁ డటుగాన	॥సిరి॥
తలపోయ హరినీలదర్పణంబో ఇతఁడు వెలుఁగుచున్నాడు బహువిభవములతోడ కలగుణం బటువలెనె కాఁబోలు లోకంబు గలదెల్ల వెలిలోనఁ గనిపించుఁ గాన	॥సిరి॥
మేరమీరిన నీలమేఘమో యితఁడేమి భూరిసంపదలతోఁ బొలయుచున్నాడు కారుణ్యనిధియట్ల కాఁబోలు ప్రాణులకు కోరికలు దలఁపులోఁ గురియు నటుగాన	॥సిరి॥
తనివోని ఆకాశతత్వమో యితఁడేమి అనఘుఁడీ తిరువేంకటాద్రివల్లభుఁడు ఘనమూర్తి అటువలెనె కాఁబోలు సకలంబు తనయందె యణఁగి యుద్భవమందుఁ గాన	॥సిరి॥