ఆంధ్రభారతి - తాళ్లపాక అన్నమాచార్య కీర్తనలు - వేసరితి మెట్ల నీవెంటఁ దిరిగి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 38-1
సంపుటము: 1-231

తాళ్లపాక అన్నమాచార్య

రాగము: దేసాక్షి

వేసరితి ^[1]మెట్ల నీవెంటఁ దిరిగి గాసిఁ బెట్టక మమ్ముఁ గావరాదా	॥వేసరితి॥
తీసితివి కోరికల తెగనీక పంచలకు తోసితివి యింటింటఁ దోయఁదోయ చేసితివి నీచేఁత చెల్లె నిఁకనైనను ఆస నీపొందొల్ల మంపరాదా	॥వేసరితి॥
కట్టితివి కర్మముల కడదాఁక నాపదలఁ బెట్టితివి దుఃఖములఁ బెనచిపెనచి పట్టితివి చలము మము పాయనని యాస నీ- విట్టైన గొంత సుఖ మియ్యరాదా	॥వేసరితి॥
కఱపితివి పాపములే కడఁగి నానావిధుల నెఱపితివి దుర్దశలే నేర్పుమెరసి తెఱఁ గొసంగియును శ్రీతిరువేంకటేశ్వరుని- నెఱిఁగియును నెఱఁగలే మింక నేతెరువో	॥వేసరితి॥

^[1] మెట్లు = కొండలు కావచ్చు.