ఆంధ్రభారతి - తాళ్లపాక అన్నమాచార్య కీర్తనలు - నీవనఁగ నొకచోట నిలిచివుండుటలేదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 38-2
సంపుటము: 1-232

తాళ్లపాక అన్నమాచార్య

రాగము: సామంతం

నీవనఁగ నొకచోట నిలిచివుండుటలేదు నీవనుచుఁ గనుఁగొన్న నిజమెల్ల నీవే	॥నీవనఁగ॥
తనయాత్మవలెనె భూతములయాతుమలెల్ల ననయంబుఁ గనుఁగొన్న యతఁడే నీవు తనుఁ గన్నతల్లిఁగా తగ నితరకాంతలను అనఘఁడై మదిఁజూచు నతఁడే నీవు	॥నీవనఁగ॥
సతతసత్యవ్రతాచారసంపన్నుఁడై అతిశయంబుగ మెలఁగు నతఁడే నీవు ^[1]ధృతిమాలి ద్రవ్యంబు తృణముగా భావించు హతకాముకుఁడైన యతఁడే నీవు	॥నీవనఁగ॥
మోదమున సుఖదుఃఖములు నొక్కరీతిగా నాదరింపుచునున్న యతఁడే నీవు వేదోక్తమతియైన వేంకటాచలనాథ ఆదియును నంత్యంబు నంతయును నీవే	॥నీవనఁగ॥

^[1] ‘దృతి’ రేకు.