ఆంధ్రభారతి - తాళ్లపాక అన్నమాచార్య కీర్తనలు - ఎవ్వరికైనను యీవ్రాఁత । నను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 38-3
సంపుటము: 1-233

తాళ్లపాక అన్నమాచార్య

రాగము: ముఖారి

ఎవ్వరికైనను యీవ్రాఁత । నను నవ్వులు సేసెఁ బో నావ్రాఁత	॥ఎవ్వరి॥
తొలిజన్మంబున దోషకారియై నలుగడఁ దిప్పెను నావ్రాఁత యిల దుర్గణముల కీజన్మంబున నలఁకువ సేసెఁ బో నావ్రాఁత	॥ఎవ్వరి॥
పురుషునిఁ జే శల్పుని ననిపించుట నరజన్మమునకు నావ్రాఁత తరుచయ్యిన పాతక మరుపెట్టుక నరకము చూపెఁ బో నావ్రాఁత	॥ఎవ్వరి॥
^[1]పామఱితనమున బహువేదనలను నామన సెనసెఁ బో నావ్రాఁత కామితఫలు వేంకటపతినిఁ గొలిచి నామతి దెలిపెఁ బో నావ్రాఁత	॥ఎవ్వరి॥

^[1] ‘పామరుతనము’ కావచ్చు.