ఆంధ్రభారతి - తాళ్లపాక అన్నమాచార్య కీర్తనలు - ఏమి ఫలము దా నిన్నియునుఁ దెలిసినను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 38-6
సంపుటము: 1-236

తాళ్లపాక అన్నమాచార్య

రాగము: దేవగాంధారి

ఏమి ఫలము దా నిన్నియునుఁ దెలిసినను సాము సేసిన ఫలము జయశీలుఁ డౌట గాక	॥ఏమి॥
తాను గలిగిన ఫలము దయ సేయఁగలుగుట మేను గలిగిన ఫలము మేలెల్ల గనుట మానుషముగల ఫలము మంచివాఁడౌట తనుఁ దానె తెలిసిన ఫలము తత్వపరుఁడౌట గాక	॥ఏమి॥
పదిలమగు కులము గల ఫలము తాఁ జదువుట చదివిన ఫలం బర్థసారంబు గనుట పొదలి శాస్త్రార్థంబు పొడగన్న ఫలము మతి ^[1] దలఁకకిటు వేంకటేశు దాసుఁడౌట గాక	॥ఏమి॥

^[1] ‘మ-తిదలఁకకిటు’ పూ.ము.పా. ప్రాస కుదిరినది. యతిభంగము. ఇపుడు అచ్చయినది రేకుపాఠము. ప్రాసభంగము.