పాయపు మదముల బంధమా మము [1]జీయని యిఁకఁ గృప సేయఁగదో	॥పాయపు॥
ధనధాన్యములై తనులంపటమై పనిగొంటివి నను బంధమా [2]దినదినంబు నునుతీదీపులఁ బెను- గనివైతివి యిఁక గావఁగదో	॥పాయపు॥
సతులై సుతులై చలమై కులమై పతివైతివి వోబంధమా రతిఁ బెరరేఁపుల రంతుల యేఁపుల గతిమాలితి విఁక గావఁగదో	॥పాయపు॥
పంటై పాఁడై బలుసంపదలై బంటుగ నేలితి బంధమా కంటి మిదివో వేంకటగిరిపై మా- వెంటరాక తెగి విడువఁగదో	॥పాయపు॥

---

^[1] ‘జేయని’ పూ.ము.పా.

^[2] ‘దినదినంబును నుతి దీపులఁ’ పూ.ము.పా.