ఆంధ్రభారతి - తాళ్లపాక అన్నమాచార్య కీర్తనలు - కటకటా యిటుచేసెఁ గర్మబాధ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 39-3
సంపుటము: 1-239

తాళ్లపాక అన్నమాచార్య

రాగము: సామంతం

కటకటా యిటుచేసెఁ గర్మబాధ యెటువంటివారికిని నెడయ దీబాధ	॥కటకటా॥
దినదినముఁ బ్రాణులకు దీపనముచే బాధ తనుపోషణములు కందర్పబాధ మనసుశాంతికి సదా మమకారముల బాధ తనివోని కోర్కులకు దైవగతిబాధ	॥కటకటా॥
వెడయాస చూపులకు వేడుకలచే బాధ కడువేడ్కలకు వియోగముల బాధ తొడవైన యెఱుకలకు దురితబుద్ధుల బాధ జడియుఁ బరచింతలకు సంసారబాధ	॥కటకటా॥
అరిది నిశ్చయమతికి ననుమానముల బాధ సరిలేని జీవులకు జన్మబాధ తిరువేంకటాచలాధిపునిఁ గని మని కొలుచు వెరపుచేతనె కాని వీడ దీబాధ	॥కటకటా॥