ఆంధ్రభారతి - తాళ్లపాక అన్నమాచార్య కీర్తనలు - అంగడి నెవ్వరు నంటకురో యీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 39-5
సంపుటము: 1-241

తాళ్లపాక అన్నమాచార్య

రాగము: శ్రీరాగం

అంగడి నెవ్వరు నంటకురో యీ దొంగలఁ గూడిన ద్రోహులను	॥అంగడి॥
దోసము దోసము తొలరో శ్రీహరి దాసానదాసుల దగ్గరక ఆసలనాసల హరినెఱఁగక చెడి వీసర పోయిన వెఱ్ఱులను ^[1]	॥అంగడి॥
పాపము పాపము పాయరో కర్మపుఁ దాపపువారము దగ్గరక చేపట్టి వేదపు శ్రీహరికథలు యేపొద్దు వినని హీనులము	॥అంగడి॥
పంకము పంకము పైకొని రాకురో కొంకుఁ గొసరుల కూళలము వేంకటగిరిపై విభుని పుణ్యకథ లంకెల వినని యన్యులము	॥అంగడి॥

^[1] ‘వెఱ్ఱులము’ కావచ్చు.