అధ్యాత్మ సంకీర్తన
రేకు: 40-1
సంపుటము: 1-243
రేకు: 40-1
సంపుటము: 1-243
తాళ్లపాక అన్నమాచార్య
రాగము: సామంతం
| నిగమనిగమాంతవర్ణిత మనోహరరూప నగరాజధరుఁడ శ్రీనారాయణా | ॥నిగమ॥ |
| దీపించు వైరాగ్యదివ్యసౌఖ్యం బియ్య- నోపక కదా నన్ను నొడఁబరుపుచు పైపైనె సంసారబంధములఁ గట్టేవు నా పలుకు చెల్లునా నారాయణా | ॥నిగమ॥ |
| చీకాకు పడిన నాచిత్తశాంతము సేయ- లేక కా నీవు బహులీల నన్ను కాకు సేసెదవు బహుకర్మములఁ బడువారు నా కొలఁదివారలా నారాయణా | ॥నిగమ॥ |
| వివిధనిర్బంధముల వెడలఁద్రోయక నన్ను భవసాగరములఁ దడఁబడఁ జేతురా దివిజేంద్రవంద్య శ్రీతిరువేంకటాద్రీశ నవనీతచోర శ్రీనారాయణా | ॥నిగమ॥ |