ఆంధ్రభారతి - తాళ్లపాక అన్నమాచార్య కీర్తనలు - తెల్లవారనియ్యరో తెరువు యీ- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 40-2
సంపుటము: 1-244

తాళ్లపాక అన్నమాచార్య

రాగము: కాంబోది

తెల్లవారనియ్యరో తెరువు యీ- పల్లదపు దొంగలెల్లఁ బారాడు తెరువు	॥తెల్లవార॥
దొంతరపూవులతోఁట తూరుపుఁ దెరువు చింతపూవుఁ దేనెల చెమ్మతెరువు సంతులేని సతియింటిచాయ తెరువు యింతలోనె చలిఁబడి యెండదాఁకే తెరువు	॥తెల్లవార॥
పాముపుట్టగొంటిమీఁది పడుమటి తెరువు చీమకదొంతరలోని చిన్న తెరువు గాములు గాచుక యుండే గాలి తెరువు యేమిటా నెక్కడవుత నెరఁగని తెరువు	॥తెల్లవార॥
అన్ని దిక్కులునుఁ దానేయైవున్న తెరువు పన్నీటి కాలువల బాట తెరువు కన్నుల వేంకటపతిఁ గన్న తెరువు మిన్ను నేలఁ గూడిన మీఁది తెరవు	॥తెల్లవార॥