ఆంధ్రభారతి - తాళ్లపాక అన్నమాచార్య కీర్తనలు - పాపినైన నాపాలఁ గలిగి తోవ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 40-4
సంపుటము: 1-246

తాళ్లపాక అన్నమాచార్య

రాగము: సామంతం

పాపినైన నాపాలఁ గలిగి తోవ చూపమన్న నెందుఁ జూపరు	॥పాపి॥
ధృతిమాలి జగమెల్లఁ దిరిగి వేసరితి యితరాలయముల కేఁగియేఁగి వేసరితి గతిమాలి పరులపైఁ గనలి వేసరితి మతిమాలి కులవిద్య మాని వేసరితి	॥పాపి॥
విసిగి యాచారంబు విడిచి వేసరితి పస చెడి ప్రియములు పలికి వేసరితి కొసరి ద్రవ్యముపైఁ గోరి వేసరితి కసుగంది లోలోనె కాఁగి వేసరితి	॥పాపి॥
కోవిదులగువారిఁ గొలిచి వేసరితి దైవములందరిఁ దడవి వేసరితి శ్రీవేంకటేశుని సేవ మాని వట్టి- సేవలన్నియు నేఁ జేసి వేసరితి	॥పాపి॥