ఆంధ్రభారతి - తాళ్లపాక అన్నమాచార్య కీర్తనలు - కాక మరి యింతేల కలుగుఁ దమకే తమకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 41-1
సంపుటము: 1-249

తాళ్లపాక అన్నమాచార్య

రాగము: ఆహిరి

కాక మరి యింతేల కలుగుఁ దమకే తమకు చేకొన్న కోరికలు చేరునందాఁకా	॥కాక॥
దొరతనములన్నియును దొరసినందాఁకా నెరతనములన్నియును నెరపినందాఁకా గరగరికలన్నియును కలసినందాఁకా విరసంబులన్నియును విసుగునందాఁకా	॥కాక॥
యెడమాటలన్నియును యెనసినందాఁకా అడియాస కోరికలు అదుకునందాఁకా జడిగొన్న గుక్కిళ్లు చవిగొన్నయందాఁక వొడ లోముటలు మోహ ముడుగునందాఁకా	॥కాక॥
యీవెల్లఁ దమయాత్మ యిచ్చగించినందాఁక శ్రీవేంకటేశు కృప చేరునందాఁక లోవెలుతులన్నియును లోఁగొన్నయందాఁక వేవేగ బంధములు వీడునందాఁకా	॥కాక॥