ఆంధ్రభారతి - తాళ్లపాక అన్నమాచార్య కీర్తనలు - ఇతరులకు నిను నెఱఁగఁ దరమా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 41-4
సంపుటము: 1-252

తాళ్లపాక అన్నమాచార్య

రాగము: శ్రీరాగం

ఇతరులకు నిను నెఱఁగఁ దరమా సతత సత్యవ్రతులు సంపూర్ణమోహవిర- హితు లెఱుగుఁదురు నిను నిందిరారమణా	॥ఇతరుల॥
నారీకటాక్ష పటునారాచభయరహిత- శూరు లెఱుఁగుదురు నినుఁ జూచేటి చూపు ఘోరసంసారసంకులపరిచ్ఛేదులగు ధీరు లెఱుఁగుదురు నీదివ్యవిగ్రహము	॥ఇతరుల॥
రాగభోగవిదూరరంజితాత్ములు మహా- భాగు లెఱుఁగుదురు నినుఁ బ్రణుతించు విధము ఆగమోక్తప్రకారాభిగమ్యులు మహా- యోగు లెఱుఁగుదురు నీవుండేటి వునికి	॥ఇతరుల॥
పరమభాగవతపదపద్మసేవానిజా- భరణు లెఱుఁగుదురు నీ పలికేటి పలుకు పరగు నిత్యానందపరిపూర్ణ మానస- స్థిరు లెఱుఁగుదురు నినుఁ దిరువేంకటేశ	॥ఇతరుల॥