ఆంధ్రభారతి - తాళ్లపాక అన్నమాచార్య కీర్తనలు - ఎరుఁగుదు రిందరు నెఱిఁగీ నెఱఁగరు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 41-5
సంపుటము: 1-253

తాళ్లపాక అన్నమాచార్య

రాగము: శంకరాభరణం

ఎరుఁగుదు రిందరు నెఱిఁగీ నెఱఁగరు హరి దానే నిజపరమాతుమని	॥ఎరుఁగుదు॥
నలినాసనుఁ డెఱుఁగు నారదుఁ డెఱుఁగు కొలఁది శివుఁ డెఱుఁగు గుహుఁ డెఱుఁగు యిల గపిలుఁ డెఱుఁగు నింతా మను వెఱుఁగు తలఁప విష్ణుఁడే పరతత్వమని	॥ఎరుఁగుదు॥
బెరసి ^[1]ప్రహ్లాదుఁడు భీష్ముఁడు జనకుఁడు గురుతుక బలియు శుకుఁడుఁ గాలుఁడు వరుస నెఱుఁగుదురు వడి రహస్యముగ హరి యితఁడే పరమాత్ముఁడని	॥ఎరుఁగుదు॥
తెలియదగిన దిది తెలియరాని దిది తెలిసినాను మదిఁ దెలియ దిది యిల నిందరుఁ దెలిసి రిదే పరమమని కలవెల్లఁ దెలిసె వేంకటరాయుఁడు	॥ఎరుఁగుదు॥

^[1] ‘ప్రంహ్లాదుఁడు’ రేకు.