ఆంధ్రభారతి - తాళ్లపాక అన్నమాచార్య కీర్తనలు - నీవేకా చెప్పఁజూప నీవె నీవెకా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 42-1
సంపుటము: 1-255

తాళ్లపాక అన్నమాచార్య

రాగము: లలిత

నీవేకా చెప్పఁజూప నీవె నీవెకా శ్రీవిభు ప్రతినిధివి సేనమొదలారి	॥నీవే॥
నీవేకా కట్టెదుర నిలుచుండి హరివద్ద దేవతలఁ గనిపించే దేవుఁడవు యేవంక విచ్చేసినాను యిందిరా ^[1]పతికి నిజ- సేవకుఁడవు నీవేకా సేనమొదలారి	॥నీవే॥
పసిఁడిబద్దలవారు పదిగోట్లు గొలువ దెసలఁ బంపులు వంపే ధీరుఁడవు వసముగా ముజ్జగాలవారి ^[2]నిందరిని నీ- సిసువులఁగా నేలిన సేనమొదలారి	॥నీవే॥
దొరలైన యసురుల తుత్తుమురు సేసి జగ- మిరవుగా నేలితి వేకరాజ్యమై పరగు సూత్రవతీపతివై వేంకటవిభు- సిరుల పెన్నిధి నీవే సేనమొదలారి	॥నీవే॥

^[1] ‘సతికి’ రేకు.

^[2] ‘నిందఱినినీ’ పూ.ము.పా.