ఆంధ్రభారతి - తాళ్లపాక అన్నమాచార్య కీర్తనలు - ఆదిమునుల సిద్ధాంజనము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 43-1
సంపుటము: 1-261

తాళ్లపాక అన్నమాచార్య

రాగము: ధన్నాసి

ఆదిమునుల సిద్ధాంజనము యే దెసఁ జూచిన నిదివో వీఁడే	॥ఆది॥
నగిన సెలవిఁ బడు నాలుగు జగములు మొగమునఁ జూపే మోహనము నిగిడి యశోదకు నిధానంబై పొగడొందీ గృహమున నిదె వీఁడే	॥ఆది॥
కనుదెరచిన నలుగడ నమృతము లటు అనువునఁ గురసీ నపారము వనితలు నందవ్రజమునఁ జెలఁగఁగ మనికికి నిరవై మలసీ వీఁడే	॥ఆది॥
పరమునకునుఁ దాఁ బరమై వెలసిన పరిపూర్ణ పరాత్పరుఁడు సరుస రుక్మిణికి సత్యభామకును వరుఁడగు వేంకటవరదుఁడు వీఁడే	॥ఆది॥