ఆంధ్రభారతి - తాళ్లపాక అన్నమాచార్య కీర్తనలు - అది నా యపరాధమిది నా యపరాధ- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 44-4
సంపుటము: 1-271

తాళ్లపాక అన్నమాచార్య

రాగము: మాళవి

అది నా యపరాధమిది నా యపరాధ- మదియు నిదియు నా యపరాధము	॥అది॥
నెరయ రూపములెల్ల నీరూపమేకా నరయని యది నా యపరాధము పరిపూర్ణుఁడగు నిన్నుఁ బరిచ్ఛిన్నునిఁగా- నరయుట యది నా యపరాధము	॥అది॥
జీవాత్మునిఁగాఁ జింతింపఁ దలఁచుట యావంక నది నా యపరాధము సేవించి నిను నాత్మఁ జింతింపకుండుట ఆవల నిది నా యపరాధము	॥అది॥
యీడెరఁగక వేంకటేశుఁడ నినుఁ గొని- యాడుట యది నా యపరాధము యేడఁ జూచిన నా యెదుర నుండఁగ నిన్ను నాడ నీడ వెదకు టపరాధము	॥అది॥