ఆంధ్రభారతి - తాళ్లపాక అన్నమాచార్య కీర్తనలు - సతతవిరక్తుఁడు సంసారి గాఁడు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 44-5
సంపుటము: 1-272

తాళ్లపాక అన్నమాచార్య

రాగము: కన్నడగౌళ

సతతవిరక్తుఁడు సంసారి గాఁడు రతిసమ్మదుఁడు విరక్తుఁడు నితఁడె	॥సతత॥
నిత్యుఁడైనవాఁడు నిఖిలలోకములఁ- బ్రత్యక్షవిభవసంపన్నుఁడు గాఁడు నిత్యుఁడు నితఁడే నిరుపమానుఁడైన ప్రత్యక్షవిభవసంపన్నుఁ డితఁడె	॥సతత॥
యోగియైనవాఁడు వొనర నేకాలము భోగియై భోగిపై భోగింపలేఁడు యోగియు నితఁడే వుడుగక భోగిపై ^[1]భోగించునటువంటి పురుషుండు నితఁడె	॥సతత॥
దేవుడైనవాఁడుఁ దెలుప లోకముల దేవతారాధ్యుఁడై దీపింపలేఁడు దేవుఁడు నితఁడే దివిజవంద్యుఁడైన శ్రీవేంకటగిరిదేవుండితఁడె	॥సతత॥

^[1] ‘భోగించి’ రేకు.