ఆంధ్రభారతి - తాళ్లపాక అన్నమాచార్య కీర్తనలు - ఎచ్చోటి కేఁగిన యెప్పుడూఁ దమలోని - - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 45-1
సంపుటము: 1-273

తాళ్లపాక అన్నమాచార్య

రాగము: వరాళి

ఎచ్చోటి కేఁగిన యెప్పుడూఁ దమలోని - మచ్చిక పెనుఁదెవులు మానకపోయె	॥ఎచ్చోటి॥
పాయపు సతుల గుబ్బల పెదపొట్లాల కాయము వడి నొత్తి కాఁచఁగను రాయిడిచే ఘనమాయఁగాని లోని- మాయపు పెనుఁదెవులు మానకపోయె	॥ఎచ్చోటి॥
అతివల మోహపు టధరామృతములు యితవుగ నోరి కందియ్యఁగను అతిమోహమే ఘనమాయఁగాని లోని- మతకరి పెనుఁదెవులు మానకపోయె	॥ఎచ్చోటి॥
తరుణుల మేని మెత్తనిపరపులమీఁద నిరవుగ నిటు సుఖియించఁగను తిరువేంకటాచలాధీశు కృపచేఁగాని మరుచేతి పెనుఁదెవులు మానకపోయె	॥ఎచ్చోటి॥