వాడల వాడల వెంట వాఁడివో వాఁడివో[1] నీడనుండి చీరలమ్మే నేఁతబేహారి	॥వాడల॥
పంచభూతములనెడి పలువన్నె నూలు చంచలపుగంజి వోసి చరిసేసి కొంచెపు కండెల నూలి గుణముల నేసి మంచిమంచి చీరలమ్మే మారుబేహారి	॥వాడల॥
మటుమాయములఁ దన మగువ పసిఁడినీరు చిటిపొటి యలుకలఁ జిలికించఁగా కుటిలంపుఁ జేఁతలు కుచ్చులుగాఁ గట్టి పటవాళి చీరలమ్మే బలుబేహారి	॥వాడల॥
మచ్చిక కర్మమనేటి మైల సంతలలోన వెచ్చపు కర్మధనము [2]వెలువచేసి పచ్చడాలుగాఁ గుట్టి బలువేంకటపతి ఇచ్చకొలఁదుల నమ్మే ఇంటిబేహారి	॥వాడల॥

---

^[1] ‘డెవో’ పూ.ము.పా. ‘వాడు + ఇగో’కు వ్యావహారికము. ఇట్టివి ఈవాఙ్మయమున గలవు. చూ. 279 పాట.

^[2] ‘విలువ’ పూ.ము.పా.