తొక్కనిచోట్లు దొక్కెడి మనసు యెక్కడ గతిలే దింకనో[1] తెరువు	॥తొక్కని॥
పాపము వాయదు పై పై మనసున కోపము దీరదు కొంతైనా దీపన బాధయుఁ దీర దిన్నియును యేపునఁ బెనఁగొనె నింకనో తెరువు	॥తొక్కని॥
[2]యెవ్వనమదమును నెడయదు కోరికె కొవ్వును నణఁగదు కొంతైనా రవ్వగు మమకారముఁ బెడఁబాయదు యెవ్విధియును లేదింకనో తెరువు	॥తొక్కని॥
వెఱపును విడువదు వెడమాయలఁ బడి కొఱఁతయుఁ దీరదు కొంతైనా తెఱఁ గొసఁగేటి శ్రీతిరువేంకటపతి - నెఱిఁగీ నెఱఁగలే మిఁకనో తెరువు	॥తొక్కని॥

---

^[1] ‘ఓ తెరువు’ సంబోధనమా? ‘తెరువా’ కావలె. ఇంకనో తెరువు = ఇంకానా మనకు త్రోవ? అని కావచ్చు.

^[2] ‘యవ్వన’ పూ.ము.పా. యతిభంగము. ‘యెడయ’లోని యకారమునకు గూర్చిరేమో?