ఆంధ్రభారతి - తాళ్లపాక అన్నమాచార్య కీర్తనలు - ఎట్టివారికినెల్ల నిట్టికర్మములు మా- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 45-5
సంపుటము: 1-277

తాళ్లపాక అన్నమాచార్య

రాగము: సాళంగనాట

ఎట్టివారికినెల్ల నిట్టికర్మములు మా- ^[1]యెట్టివారికి నింక నేది తోవయ్య	॥ఎట్టి॥
పాముఁ జంపినయట్టి పాతకమునఁ బెద్ద - పాముమీఁద నీకుఁ బవళించవలసె కోమలిఁ జంపిన కొఱఁతవల్ల నొక్క- ^[2]కోమలి నెదఁ బెట్టుకొని యుండవలసె	॥ఎట్టి॥
బండి విఱిచినట్టి పాతకమునఁ బెద్ద బండిబోయిఁడవై పనిసేయవలసె కొండ వెఱికినట్టి గుణమునఁ దిరుమల ^[3]- కొండమీఁద నీకుఁ గూచుండవలసె	॥ఎట్టి॥

^[1] ‘యిట్టి’ పూ.ము.పా. ‘మాయట్టి’ అనుదానికి ‘మాయెట్టి’ అను వ్యావహారికరూపము ఈ వాఙ్మయమున గలదు.

^[2] ‘గోమలి’ పూ.ము.పా.

^[3] ‘తిరుమలకొండ’ గూడా ‘వేంకటేశ’ ముద్రయేనేమో?