ఆంధ్రభారతి - తాళ్లపాక అన్నమాచార్య కీర్తనలు - మాయపు దనుజుల మదవైరి కపి- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 45-6
సంపుటము: 1-279

తాళ్లపాక అన్నమాచార్య

రాగము: సామంతం

మాయపు దనుజుల మదవైరి కపి- రాయఁడు ^[1]వీఁడివో రాముని బంటు	॥మాయపు॥
పెట్టిన జంగయు పెంపుమిగుల మొలఁ గట్టిన కాసెయు గర్వమున నిట్టనిలిచి పూనినచేత నడిమి- దిట్ట వీఁడువో దేవుని బంటు	॥మాయపు॥
నవ్వుచు లంకానగరపు దనుజుల- కొవ్వణఁచిన కపికుంజరుఁడు మువ్వురువేల్పుల మొదలి భూతియగు- రవ్వగు సీతారమణుని బంటు	॥మాయపు॥
పంకజసంభవు పట్టముగట్టను వుంకించిన తన వొడయనిచే పొంకపు కలశాపుర హనుమంతుఁడు వేంకటరమణుని వేడుక బంటు	॥మాయపు॥

^[1] ‘వీఁడెవో’ పూ.ము.పా. చూ. 275 పాట.