ఆంధ్రభారతి - తాళ్లపాక అన్నమాచార్య కీర్తనలు - పరుసము సోఁకియు బ్రదుకవద్దా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 46-1
సంపుటము: 1-280

తాళ్లపాక అన్నమాచార్య

రాగము: శంకరాభరణం

పరుసము సోఁకియు బ్రదుకవద్దా తిరిగి కర్మము లింక తీదీపులా	॥పరుసము॥
పడిగాలు వడియున్న ప్రాణచారముల- పడఁతుల నధములఁ బాలించితి యిడుమలఁ బెడఁబాప నింకనేల తెగి కొంక ^[1]గడిచీటిచ్చియు నింకఁ గడ మున్నదా	॥పరుసము॥
మితిలేని ధనములు మెరసి కానుకగొని అతిపుణ్యు లిందరి నలరించితి ధృతిహీనులకు నెల్ల దిక్కయి కాతువుగాక వ్రతముచెల్లిన నింక వట్టఁ గట్లా	॥పరుసము॥
పాలించి నావిన్నపమున వేంకటరాయ లాలించితివి నే నీలలనఁగానా యీలాగుననె లోకమింతాఁ గాతువుగాక పాలు దాగినమీఁదఁ బైకుడుపులా	॥పరుసము॥

^[1] ‘గడియించి తెచ్చియు’ పూ.ము.పా.