ఆంధ్రభారతి - తాళ్లపాక అన్నమాచార్య కీర్తనలు - ఇంత సేసెఁబో దైవ మింతలోననే అయ్యో - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 46-3
సంపుటము: 1-282

తాళ్లపాక అన్నమాచార్య

రాగము: కన్నడగౌళ

ఇంత సేసెఁబో దైవ మింతలోననే అయ్యో సంతపాకలంజఁ దెచ్చి సన్యాసిఁ జేసె	॥ఇంత॥
పరిగె లేరేటివానిఁ బట్టపురాజుఁగా నిరతభోగము లిచ్చి నిలిపినట్లు ధరలోన నతిపాతకుని నన్ను నిట్లు అరయ నిత్తడిఁ దెచ్చి యపరంజిఁ జేసె	॥ఇంత॥
కుక్కల వండుకతినే కులహీనునిఁ దెచ్చి వెక్కసపుఁ బాఁపనిఁ గావించినయట్లు దిక్కులెఱఁగఁగఁ గష్టదేహిని నన్నుఁ దెచ్చి గక్కనఁ దెలుకపిండి కస్తూరి సేసె	॥ఇంత॥
చెడుగైన దోమఁ దెచ్చి సింహపుఁగొదమఁగా బెడిదంపుఁ బ్రేమతోడఁ బెంచినయట్లు కడు నధముని వేంకటపతి నను నిటు చిడిపిరాయి దెచ్చి చింతామణి సేసె	॥ఇంత॥