ఆంధ్రభారతి - తాళ్లపాక అన్నమాచార్య కీర్తనలు - ఇన్ని సేఁతలకు నిది యొకటే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 46-6
సంపుటము: 1-285

తాళ్లపాక అన్నమాచార్య

రాగము: దేవగాంధారి

ఇన్ని సేఁతలకు నిది యొకటే కన్నా మనసిది కానదు గాని	॥ఇన్ని॥
పాతకకోట్లు భవములు భస్మీ- భూతము సేయఁగఁ బొడవొకటే శ్రీతరుణీపతి చింత నిజముగా యేతరి చిత్తం బెఱఁగదుగాని	॥ఇన్ని॥
మరణభయంబులు మదములు మలినీ- కరణము సేయఁగఁగల దొకటే హరినామామృత, మందుమీఁది రతి నిరతము నా కిది నిలువదుగాని	॥ఇన్ని॥
కుతిలములును దుర్గుణములునుఁ దృణీ - కృతములు సేయఁగ గురుతొకటే పతియగు వేంకటపతి సేవారతి, గతియని మతి గని కానదుగాని	॥ఇన్ని॥