ఆకాశమడ్డమా అవ్వలయు నడ్డమా శ్రీకాంతు భజియించు సేవకులకు	॥ఆకాశ॥
పాతాళ మడ్డమా బలిమథను దాసులకు భూతలం బడ్డమా పుణ్యులకును సేతుకైలాసములు చిరభూములిన్నియును పై త్రోవలట పరమ భాగవతులకును	॥ఆకాశ॥
అమరావ తడ్డమా హరిదాసులకు మహా- తిమిరంబు లడ్డమా దివ్యులకును కమలాసనుని లోకంబదియు నడ్డమా విమలాత్ములై వెలుఁగు విష్ణుదాసులకు	॥ఆకాశ॥
పరమపద మడ్డమా [1]బ్రహ్మాండధరుఁడైన ధర వేంకటేశ్వరుని దాసులకును యిరవైన లోకముల నిన్నిటా భోగించి వరుసలను విహరించు వరవైష్ణవులకు	॥ఆకాశ॥

---

^[1] ‘బ్రహ్మాండధరుఁడైన వేంకటేశ్వరుఁడు’ అను సమాసమధ్యమున ‘ధర’ శబ్దప్రయోగము వింత. ‘ధరలోని వేంకటేశ్వరుఁడు’ అని ముందు సమసించి, తరువాత ‘బ్రహ్మాండధరుఁడైన’ అను భాగముతో సమసింపవలెనేమో? చూ. 335 పాట.