ఆంధ్రభారతి - తాళ్లపాక అన్నమాచార్య కీర్తనలు - హరిఁ గొలిచియు మరీ నపరములా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 47-5
సంపుటము: 1-290

తాళ్లపాక అన్నమాచార్య

రాగము: భైరవి

హరిఁ గొలిచియు మరీ నపరములా తిరముగ నతనినే తెలియుట గాకా	॥హరి॥
పంకజనాభుని పాదములు దలఁచి యింకా మరియొక యితరములా అంకెల నతనినే అతని దాసులనే కొంకక నిజముగఁ గొలుచుటగాకా	॥హరి॥
పన్నగశయనుని బంట్లకు బంటై కొన్నిటిపై మరి కోరికెలా యిన్ని కోరికలు యిదియే తనకని కొన్నది కోలై కోరుటగాకా	॥హరి॥
వీనుల వేంకటవిభు నామామృత - మూనిన మతి మరియును రుచులా తేనెలుగారెడి తీపు లతని నుతి నానారుచులై ననుచుటగాకా	॥హరి॥