ఆంధ్రభారతి - తాళ్లపాక అన్నమాచార్య కీర్తనలు - దైవమా పరదైవమా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 47-6
సంపుటము: 1-291

తాళ్లపాక అన్నమాచార్య

రాగము: లలిత

దైవమా పరదైవమా యేవగింతలు నాకు నెట్టు దెచ్చేవో	॥దైవమా॥
పాపకర్మునిఁ దెచ్చి పరమియ్యఁదలఁచిన మేపులకే పోక మెయికొనీనా తీపులు రూపులుఁ దివిరి ^[1]నా వెనువెంట- నేపొద్దు నీ వేఁడఁ దెచ్చేవో	॥దైవమా॥
అధమాధమునిఁ దెచ్చి యధికుని జేసేనంటే విధినిషేధములు వివరించునా నిధినిధానములు నిచ్చనిచ్చలుఁ బెక్కు- విధముల నెటువటె వెదచల్లెదవో	॥దైవమా॥
అతికష్టుఁడగు నాకు నలవిగాని యీ- మత మొఁసగిన నేను మరిగేనా ప్రతిలేని వేంకటపతి నీదు నామా- మృత మిచ్చి నను నీవే మెరయింతుగాక	॥దైవమా॥

^[1] ‘నావెంట’ పూ.ము.పా. మాత్రాభంగము.