ఆంధ్రభారతి - తాళ్లపాక అన్నమాచార్య కీర్తనలు - బలువగుఁ దనరూపము చూపెన్ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 48-3
సంపుటము: 1-295

తాళ్లపాక అన్నమాచార్య

రాగము: పాడి

బలువగుఁ దనరూపము చూపెన్ కలదింతయుఁ దనఘన తెఱిఁగించెన్	॥బలువగు॥
^[1]పాండవరక్షణపరుఁడై నరునకు నండనే తెలిపె మహామహిమ దండి విడిచి తనదయతో నర్జునుఁ- డుండఁగ మగటిమి నొడఁబడఁ బలికె	॥బలువగు॥
మగుడఁగ కులధర్మములుఁ బుణ్యములు తెగి పార్థున కుపదేశించెన్ నగుచు నతనితో నానాగతులను నిగమము నియమము నిజ మెరిఁగించెన్	॥బలువగు॥
వెరపు మిగుల నావిజయుని మనుమని పరీక్షిత్తుఁ దగఁ బ్రదికించెన్ తిరువేంకటగిరిదేవుఁడు దానై గరిమల భారతకథ గలిగించెన్	॥బలువగు॥

^[1] ‘పాండమరక్షక’ రేకు.