ఆంధ్రభారతి - తాళ్లపాక అన్నమాచార్య కీర్తనలు - చాల నొవ్వి సేయునట్టి జన్మమేమి మరణమేమి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 48-4
సంపుటము: 1-297

తాళ్లపాక అన్నమాచార్య

రాగము: భైరవి

చాల నొవ్వి సేయునట్టి జన్మమేమి మరణమేమి మాలు గలపి దొరతనంబు మాన్పు టింత చాలదా	॥చాల॥
పుడమిఁ బాపకర్మమేమి పుణ్యకర్మమేమి తనకు కడపరాని బంధములకుఁ గారణంబులైనవి యెడపకున్న పసిఁడిసంకెలేమి యినుపసంకెలేమి మెడకుఁ దగిలియుండి యెపుడు మీఁదు చూడరానివి	॥చాల॥
చలముకొన్న ఆపదేమి సంపదేమి యెపుడుఁ దనకు అలమిపట్టి దుఃఖములకు నప్పగించినట్టిది యెలమిఁ బసిఁడిగుదియయేమి యినుపగుదియయేమి తనకు ములుగ ములుగఁ దొలితొలి మోఁదు టింత చాలదా	॥చాల॥
కర్మియైనయేమి వికృతకర్మియైననేమి దనకు కర్మఫలముమీఁద కాంక్ష గలుగు టింత చాలదా మర్మ మెరిఁగి వేంకటేశు మహిమలనుచుఁ దెలిసినట్టి నిర్మలాత్ము కిహముఁ బరము నేఁడు గలిగెఁ జాలదా	॥చాల॥