ఆంధ్రభారతి - తాళ్లపాక అన్నమాచార్య కీర్తనలు - కాలాంతకుఁడను వేఁటకాఁ డెప్పుడుఁ దిరిగాడును - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 49-1
సంపుటము: 1-298

తాళ్లపాక అన్నమాచార్య

రాగము: కన్నడగౌళ

కాలాంతకుఁడను వేఁటకాఁ డెప్పుడుఁ దిరిగాడును కాలంబనియెడి తీవ్రపుగాలి వెర వెఱిఁగి	॥కాలాంతకు॥
పరమపదంబను చేనికి పసిగొను నరమృగములకును తరమిడి, సంసారపుటోఁదములనె యాఁగించి, వురవడిఁ జేసిన కర్మపుటరులు దరిద్రంబను వల వొరపుగ ^[1]మాయను పోగులు వొకవెరవున వేసీ	॥కాలాంతకు॥
కదుముక వచ్చేటి బలురోగపుఁ గుక్కల నుసికొలిపి వదలక ముదిసిన ముదిమే వాకట్టుగఁ గట్టి, పొదలుచు మృత్యువు పందివోటై నల్లెట నాడఁగ, పదిలముగా గింకరులను చొప్పరులఁ బరవిడిచీ	॥కాలాంతకు॥
ఆ వోఁదంబులఁ జిక్కక, ఆ వురులనుఁ దెగనురికి, ఆ వేఁటకాండ్ల నదలిం చాచేనే చొచ్చి, పావనమతిఁ బొరెవొడిచి పరమానందముఁ బొందుచు శ్రీవేంకటపతి మనమునఁ జింతించీ నరమృగము	॥కాలాంతకు॥

^[1] మాయ + అను.