ఆంధ్రభారతి - తాళ్లపాక అన్నమాచార్య కీర్తనలు - ఏలవచ్చీ యేలపోయీ నెందుండీఁ బ్రాణి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 49-2
సంపుటము: 1-299

తాళ్లపాక అన్నమాచార్య

రాగము: భూపాళం

ఏలవచ్చీ యేలపోయీ నెందుండీఁ బ్రాణి తోలుతిత్తిలోనఁ జొచ్చి దుంక దూరనా	॥ఏల॥
పుట్టులేక నరకాలపుంగుడై తా నుండక యీ- పుట్టుగున కేల వచ్చీ పోయీఁ బ్రాణి పుట్టుచునే కన్న వారిఁ బుట్టినవారి నాసలఁ బెట్టిపెట్టి దుఃఖములఁ బెడరేఁచనా	॥ఏల॥
భూతమై యడవిలోఁ బొక్కుచుఁ దా నుండక యీ- బూతుజన్మమేల మోఁచెఁ బుచ్చిన ప్రాణి రాతిరిఁ బగలు ఘోరపుఁబాటు వడిపడి పాతకాలు చేసి యమబాధఁ బడనా	॥ఏల॥
కీటమై వేంకటగిరి కిందనైన నుండక యీ- చేటువాటుకేల నోఁచె చెల్లఁబో ప్రాణి గాటమైన సంపదల కడలేని పుణ్యాల- కోటికిఁ బడగెత్తక కొంచెపడనా	॥ఏల॥