ఆంధ్రభారతి - తాళ్లపాక అన్నమాచార్య కీర్తనలు - హీనదశలఁ బొంది యిట్ల నుండుటకంటె - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 1-3
సంపుటము: 1-3

తాళ్లపాక అన్నమాచార్య

రాగము: దేసాక్షి

హీనదశలఁ బొంది యిట్ల నుండుటకంటె నానావిధులను నున్ననాఁడే మేలు	॥హీన॥
అరుదైన క్రిమికీటకాదులందుఁ బుట్టి పరిభవములనెల్లఁ బడితిఁ గాని యిరవైన చింత నాఁడింతలేదు యీ- నరజన్మముకంటె నాఁడే మేలు	॥హీన॥
తొలఁగక హేయజంతువులయందుఁ బుట్టి పలువేదనలనెల్లఁ బడితిఁ గాని కలిమియు లేమియుఁ గాన నేఁ డెఱిఁగి నలఁగి తిరుగుకంటె నాఁడే మేలు	॥హీన॥
కూపనరకమున గుంగి వెనకకు నేఁ బాపవిధులనెల్లఁ బడితిఁ గాని యేపునఁ దిరువేంకటేశ నా కిటువలె నాపాలఁ గలిగిన నాఁడే మేలు	॥హీన॥