ఆంధ్రభారతి - తాళ్లపాక అన్నమాచార్య కీర్తనలు - అయ్యో మానుపఁ గదవయ్య మనుజుఁడు తన- - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 49-3
సంపుటము: 1-300

తాళ్లపాక అన్నమాచార్య

రాగము: నాట

^[1]అయ్యో మానుపఁ గదవయ్య మనుజుఁడు తన- కయ్యపుఁ గంట గానఁడు	॥అయ్యో॥
పాపపుణ్యలంపటుఁడైనా దుష్ట- రూపుడూ జన్మరోగి యటుగాన పైపైనే ద్రవ్యతాపజ్వరము వుట్టి యేపొద్దు వొడలెరఁగఁడు	॥అయ్యో॥
నరకభవనపరిణతుఁడైనా కర్మ పురుషుఁడు హేయభోగి యటుగాన దురితపుణ్యత్రిదోషజ్వరము పట్టి అరవెరమాట లాడీని	॥అయ్యో॥
దేహమోహసుస్థిరుఁడైనా ని- ర్వాహుఁడు తర్కవాది యటుగాన శ్రీహరి వేంకటశ్రీకాంతునిఁ గని వూహలఁ జేరనొల్లఁడు	॥అయ్యో॥

^[1] ఈ పాటలోని భావము సుస్పష్టముగా తోపదు.