ఆంధ్రభారతి - తాళ్లపాక అన్నమాచార్య కీర్తనలు - ఏదియును లేని దేఁటిజన్మము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 49-4
సంపుటము: 1-301

తాళ్లపాక అన్నమాచార్య

రాగము: నాట

ఏదియును లేని దేఁటిజన్మము వేదాంతవిద్యావివేకి గావలెను	॥ఏదియును॥
పరమమూర్తిధ్యానపరుఁడు గావలె నొండె పరమానందసంపద లొందవలెను పరమార్థముగ నాత్మభావింపవలె నొండె పరమే తానై పరగుండవలెను	॥ఏదియును॥
వేదశాస్త్రార్థకోవిదుఁడు గావలె నొండె వేదాంతవిదుల సేవించవలెను కాదనక పుణ్యసత్కర్మి గావలె నొండె మోదమున హరిభక్తి మొగి నుండవలెను	॥ఏదియును॥
సతతభూతదయావిచారి గావలె నొండె జితమైన యింద్రియస్థిరుఁడు గావలెను అతిశయంబగు వేంకటాద్రీశుసేవకులె గతియనుచు తనబుద్ధిఁ గలిగుండవలెను	॥ఏదియును॥