ఆంధ్రభారతి - తాళ్లపాక అన్నమాచార్య కీర్తనలు - కడుపెంత తాఁ గుడుచు కుడుపెంత దీనికై - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 49-5
సంపుటము: 1-302

తాళ్లపాక అన్నమాచార్య

రాగము: గుండక్రియ

కడుపెంత తాఁ గుడుచు కుడుపెంత దీనికై పడని పాట్లనెల్లఁ బడి పొరలనేలా	॥కడుపెంత॥
పరుల మనసునకు నాపదలు గలుగఁగఁ జేయఁ బరితాపకరమైన బ్రదుకేలా సొరిది నితరుల మేలుచూచి సైఁపఁగలేక తిరుగుచుండేటి కష్టదేహ మిదియేలా	॥కడుపెంత॥
యెదిరి కెప్పుడుఁ జేయు హితమెల్లఁ దనదనుచు చదివి చెప్పనియట్టి చదువేలా పొదిగొన్న యాసలోఁ బుంగుడై సతతంబు సదమదంబై పడయు చవులు దనకేలా	॥కడుపెంత॥
శ్రీవేంకటేశ్వరుని సేవారతికిఁ గాక జీవనభ్రాంతిఁ బడు సిరులేలా దేవోత్తముని నాత్మఁ దెలియనొల్లక పెక్కు- త్రోవ లేఁగిన దేహి దొరతనంబేలా	॥కడుపెంత॥