ఆంధ్రభారతి - తాళ్లపాక అన్నమాచార్య కీర్తనలు - ఎఱుక గలుగునాఁ డెఱఁగఁడటా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 50-1
సంపుటము: 1-304

తాళ్లపాక అన్నమాచార్య

రాగము: ముఖారి

ఎఱుక గలుగునాఁ డెఱఁగఁడటా మఱచిన మేనితో మరి యెఱిఁగీనా	॥ఎఱుక॥
పటువైభవములఁ బరగేటినాఁడే తటుకున శ్రీహరిఁ దలఁచఁడటా కుటిలదేహియై కుత్తికఁ బ్రాణము తటతట నదరఁగఁ దలఁచీనా	॥ఎఱుక॥
ఆలుబిడ్డలతో మహాసుఖ మందుచు తాలిమితో హరిఁ దలఁచఁడటా వాలిన కాలుని వసమైనప్పుడు ^[1]దాలు వెండఁగాఁ దలఁచీనా	॥ఎఱుక॥
కొఱఁతలేక తేఁకువఁ దా నుండేటి- తఱి వేంకటపతిఁ దలఁచఁడటా మఱులు దేహియై మఱిచివున్నయడ తఱచుటూరుపులఁ దలఁచీనా	॥ఎఱుక॥

^[1] ‘దాలు(శి?) వేఁడఁగా’ పూ.ము.పా.