ఆంధ్రభారతి - తాళ్లపాక అన్నమాచార్య కీర్తనలు - కాలము కాలముగాదు కపటాలే తఱచాయ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 50-2
సంపుటము: 1-305

తాళ్లపాక అన్నమాచార్య

రాగము: సామంతం

కాలము కాలముగాదు కపటాలే తఱచాయ చాలునింక దీనితోడీ జాలి మానరే	॥కాలము॥
పిన్ననాటనుండి తన పెంచిన యీదేహము మున్నిటివలెగాదు ముదిసీని యెన్నికదినాలచేత నెప్పు డేడఁ బడునో కన్నవారి చేతికి గక్కున నియ్యరే	॥కాలము॥
తోలునెముకలచేత దొడ్డైన యాదేహము గాలిచేత దాలిమీఁదఁ గాగీని కీలుగీలు ^[1]యెప్పు డేడ కింద వీడిపడునో మేలుఁగీడు లేనిచోట మేఁటిఁజేసి పెట్టరే	॥కాలము॥
కింకపు కిసరుచేత కీడైన దేహము వంకవంక తెరవుల వడీసీని యింక నీవిధిచేత నెప్పు డేడఁ బడునో వేంకటేశుఁ జేరఁ బడవేయఁ గదరే	॥కాలము॥

^[1] ‘యిప్పు’ రేకు.