ఆంధ్రభారతి - తాళ్లపాక అన్నమాచార్య కీర్తనలు - ఇదివో సంసారమెంత సుఖమో కాని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 50-5
సంపుటము: 1-308

తాళ్లపాక అన్నమాచార్య

రాగము: శ్రీరాగం

ఇదివో సంసారమెంత సుఖమో కాని తుదలేని దుఃఖమను తొడవు గడియించె	॥ఇదివో॥
పంచేద్రియంబులను పాతకులు దనుఁ దెచ్చి కొంచెపు సుఖంబునకుఁ గూర్పఁగాను మించి కామంబనెడి మేఁటి ^[1]తనయుండు జని- యించి దురితధనమెల్ల గడియించె	॥ఇదివో॥
పాయమనియెడి మహాపాతకుఁడు తనుఁ దెచ్చి మాయంపు సుఖమునకు మరుపఁగాను సోయగపు మోహమను సుతుఁడేచి గుణమెల్లఁ బోయి యీనరకమను పురము గడియించె	॥ఇదివో॥
అతిశయుండగు వేంకటాద్రీశుఁడను మహా- హితుఁడు చిత్తములోన నెనయఁగాను మతిలోపల విరక్తి మగువ జనియించి య- ప్రతియయి మోక్షసంపదలు గడియించె	॥ఇదివో॥

^[1] ‘తనయందు’ పూ.ము.పా.