ఆంధ్రభారతి - తాళ్లపాక అన్నమాచార్య కీర్తనలు - ఎడమపురివెట్టె పరహితవివేకము, లోన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 61-6
సంపుటము: 1-315

తాళ్లపాక అన్నమాచార్య

రాగము: ఆహిరి

ఎడమపురివెట్టె పరహితవివేకము, లోన గుడుసువడెఁ జదువు, మెరుఁగులువారెఁ జలము	॥ఎడమ॥
లంపు మేయఁగఁ దొణఁగె లలితంపుమతి లోనె, తెంపు దిగవిడిచె యెడతెగని మానంబు, చంప దొరకొనియె వేటలేని తమకంబు, యింపు ఘనమాయ నే నిఁక నేమి సేతు	॥ఎడమ॥
బయలువందిలివెట్టు(ట్టె?) పనిలేని లంపటము, దయ విడువఁదొడఁగె చిత్తములోని కాంక్ష, పయికొన్న మోహంబు పడనిపాట్లఁ బరచె, లయమాయ శాంతి మెల్లనె తీరె నెరుక	॥ఎడమ॥
చావుఁబుట్టువు మఱచె సంసారబంధంబు, దైవమును విడిచె యా(నే?)తరికంపుఁ బ్రియము శ్రీవేంకటేశ్వరుఁడు చిత్తరంజకుఁడు యిఁకఁ గావలసినది యతని కరుణ ప్రాణులకు	॥ఎడమ॥