ఎంతగాలమొకదా యీ దేహధారణము చింతాపరంపరలఁ జిక్కు వడవలసె	॥ఎంత॥
పడిగొన్న మోహంబు వలలఁ దగులై కదా కడలేని గర్భనరకము లీఁద[1]వలసె నడిమిసుఖములచేత ననుపుసేయఁగఁ గదా తొడరి హేయపుదిడ్డిఁ దూరాడవలనె	॥ఎంత॥
పాపపుంజములచేఁ బట్టువడఁగాఁ గదా ఆపదలతోడి దేహము మోవవలసె చూపులకు లోనైన సుఖము గానక [2]కదా దీపనభ్రాంతిచేఁ దిరిగాడవలసె	॥ఎంత॥
హితుఁడైన తిరువేంకటేశుఁ గొలువక కదా ప్రతిలేని నరకకూపమునఁ బడవలసె అతని కరుణారసం బబ్బకుండఁగఁ గదా బతిమాలి నలుగడలఁ బారాడవలసె	॥ఎంత॥

---

^[1] (తా.వేం. శేషాచార్యుల వ్రాతప్రతిలో-34) నరకగర్భమునఁ బడవలసె.

^[2] (నిడురేకు-18) గోరఁగఁ గదా?