ఆంధ్రభారతి - తాళ్లపాక అన్నమాచార్య కీర్తనలు - తెలిసినఁ దెలియుఁడు తెలియనివారలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 62-2
సంపుటము: 1-317

తాళ్లపాక అన్నమాచార్య

రాగము: నాట ^[1]

తెలిసినఁ దెలియుఁడు తెలియనివారలు తొలఁగుఁడు బ్రహ్మాదులె యెరుఁగుదురు	॥తెలిసిన॥
వరదుఁ డఖిలదేవలతకు వంద్యుఁడు గరదుఁ డ(కరదుట?)సురలకుఁ గంటకుఁడు పరమాత్ముఁ డంబుజ(డబ్జ)భవశివాదులకుఁ బరులకెల్ల మువ్వురలో నొకఁడు	॥తెలిసిన॥
దేవుఁడు సనకాదిమునులకునుఁ, బర- దైవ మఖిలవేదములకును, కైవల్యమొసఁగు ఘననిధి, విధికి మ- హావిధి, జడులకు ^[1] యాదవకులుఁడు	॥తెలిసిన॥
ఆద్యుఁ డచలుఁడు మహాభూత మితఁడ- భేద్యుఁ డసాధ్యుఁడు భీకరుఁడు సద్యఃఫలదుఁడు సకలమునులకును వేద్యుఁ డితఁడె పో వేంకటవిభుఁడు	॥తెలిసిన॥

^[1] (నిడురేకు-86) శ్రీరాగం.

^[2] (నిడురేకు-86) జనులకు.