ఎక్కువకులజుఁడైన హీనకులజుఁడైన నిక్కమెరిఁగిన మహానిత్యుఁడే ఘనుఁడు	॥ఎక్కువ॥
వేదములు చదివియును విముఖుఁడై హరిభక్తి[1] యాదరించని సోమయాజికంటె యేదియునులేని కులహీనుఁడైనను విష్ణు- పాదములు సేవించు భక్తుఁడే ఘనుడు[2]	॥ఎక్కువ॥
పరమమగు వేదాంతపఠన దొరకియు సదా హరిభక్తిలేని సన్యాసికంటె సరవిమాలిన యంత్యజాతికులజుఁడైన నరసి విష్ణుని వెదకు నాతఁడే ఘనుఁడు	॥ఎక్కువ॥
వినియుఁ జదివియును శ్రీవిభుని దాసుఁడుగాక తనువు వేఁపుచునుండు తపసికంటె యెనలేని శ్రీవేంకటేశు ప్రసాదాన్న- మనుభవించిన యాతఁ డప్పుడే ఘనుడు	॥ఎక్కువ॥

---

^[1] (నిడురేకు-70) హరికథల.

^[2] (నిడురేకు-70) పాదసేవకుఁడె పో బ్రాహ్మణోత్తముఁడు.