ఆంధ్రభారతి - తాళ్లపాక అన్నమాచార్య కీర్తనలు - జనులు నమరులును జయలిడఁగా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 62-5
సంపుటము: 1-320

తాళ్లపాక అన్నమాచార్య

రాగము: ముఖారి

జనులు నమరులును జయలిడఁగా ఘనుఁడదె వుయ్యాలగంభము కాడ	॥జనులు॥
వదలక వలసినవారికి వరములు యెదురెదురై తానిచ్చుచును నిదురలేక పెనునిధినిధానమై కదలఁ డదే గరుడగంభముకాడ	॥జనులు॥
కోరినవారికి కోరిన వరములు వోరంతప్రొద్దు ^[1] నొసఁగుచును చేరువయై కృపసేసీ నిదివో కూరిముల నడిమిగోపురమాడ	॥జనులు॥
వడి వేంకటపతి వరములరాయఁడు నుడుగఁ(గు?) గాళ్ళుఁ గన్నులు సుతుల బడిబడి నొసఁగుచు(ను?) బ్రాణచారులకు ^[2] కడిమి నీడ దిరుగని చింతాడ	॥జనులు॥

^[1] ‘వోరంతవ్రొద్దు’ రేకు.

^[2] ప్రాణాచారులకు కావచ్చు.