ఆంధ్రభారతి - తాళ్లపాక అన్నమాచార్య కీర్తనలు - కొండ దవ్వుట యెలుక గోరిపట్టుట దీన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 62-6
సంపుటము: 1-321

తాళ్లపాక అన్నమాచార్య

రాగము: భవుళి

కొండ దవ్వుట యెలుక గోరిపట్టుట దీన బండాయ సంసారబంధము	॥కొండ॥
వెలయఁ జిత్తంబునకు వేరుపురువై బుద్ధిఁ గలఁగించె మోహవికారము కలకాలమునకు లింగముమీఁది యెలుకయై తలకొనియె ^[1] నాత్మ పరితాపము	॥కొండ॥
అరయఁ జంచలముచే నాలజాలంబువలెఁ దిరుగ దొరకొనియెఁ దన దేహము తిరువేంకటాచలాధిపుని మన్ననఁగాని పరిపాటిఁ బడదు తన భావము	॥కొండ॥

^[1] ‘కొనియ’ రేకు.